قـــصـه سعووديه ولبنااني

مرحباا ,, يسعد صبااح الجميع ..
شخبااركم ؟ عسساكم طيبين ..
اممممم صرااحه ذي قصتي وقلت بقولها لكم من الفضاااوه ..
مايمديني اقوولها كلها .. اذا شفت تفااعل رااح اكملها ..

تقريبا هالسالفه صارت قبل 3 سنين وبالتحديد بالاجاازه اللي قبل اختبارات الثانويه العامه ..
كنا قروووب بنات مجتمعات نذااكر >> من جنبها ..وقتها طاقينها سوالف وضحك وطاشين الكتب ع جنب ..
كانوا البنات مجتمعين عندي وقتها .. وقلت بقووم اسوي لنا عصير تعبنا من الهذره اقصد المذاكره ..
ووقتها مشيت من جنب التلفزيون وكانت اميمتي حاطه ع قناة الكويت وشفت تشييع جثمان شيخهم سعد على مااعتقد ..
سويت العصير ورجعت يم البنات وقلت لهم الخبر ..
ووقتها من الطفش قلت للبنات شرايكم نتصل ع ارقاام كويتيه ونعزيهم باسم الشعب السعودي >> مسوويه اني اعرف الواجب ههههه
الموووهم سويت اللي براسي وصرت اخبط بالارقاام واتصل ع ارقاام كويتيه وكل مامسك الخط اعزيهم واحياان اقفل لان مااقدر امثل من الضحك ...
ومسك معي رقم ومن قال الو وانا اقول الله يرحمه بس حبيت اوصل لكم عزانا من السعوديه لكم واذا احتجتم شيء لا يردكم الا لسانكم >> دااعسه بالهرج ماعطيته فرصه يهرج ههههه وبعدها سويت نفسي ابكي وقفلت من الضحك ..
رجع الرقم يتصل ويتصل وانا شاطفته بالاخر رديت وقلت الو الا اسمع ذيك الضحكه اللي خلاني اضحك معه وانا ولا ادري وش السالفه ..
قال وربي قرفاان من الدواام وانتي اتصلتي غيرتي ابو جووي باتصالك حتى اصحاابي ضحكو ع هبالك >> حسيت ان لكنته غير فيها من اللهجه الشاميه مع الخليجيه ..
قلت انت شنو ؟ قال لبناااني >> وانا قليبي يطربق واقوووم اطخ فيه كم مدحه هههههه
قال اكيد انك سعوووديه ؟ قلت مو اكيد الا مؤكد >> فرحاانه بحالي انا ووجهي ..
الموووهم حسيت اني دقيت حنك وانا بااقي ماذااكرت قلت الزبده العذر والسمووحه انا ورااي اختبارات بقفل بس شفت العزى وحبيت اغير جو لا اكثر ...

ورجعت للبنات وجونا الخاايس بالمذااكره ونسيت الساااالفه ..
وبنفس اليوووم صار يتصل ادوشني وقلت خليني ارد واشووف وش عنده ..
الموووهم دقيت حنك ابو ربع ساااعه معه >> طبعا كل هررجي هيااط بهياااط ..
واحس استانست معه وهو بعد ..
وقمت انشد عنه وعن اهله >> مسووويه اموون هع
وجت الاختبارات وسفهته .. وصاار يتصل يقوول بس طمنيني عن الاختبارات شو صاار معك لو بمسج ع الاقل ..
وصرت اعطيه ع جووه ارسل واقوول كيف امتحااني ماكنت ارسل الا اذا كان اختباري حلو هههههه
وبعدها قلت ياربي ذا شكله مطوول خليني اكذب عليه واقوول ماعندي رصيد اقلها هو بالكويت مايدري عني شيء ..
وطنشته وماصرت ارد عليه .. اتصل وقال ليش ماتبعتيلي مسج تطمنيني عليك ؟ قلت صرااحه ماعندي رصيد منشان ابعتلك واطمنك >> وانا تسذووب هع
قال بتصل عليك بعد نص سااعه وبليز ردي قلت يصير خير ..
واتصل وقال خذي هالرقم ؟؟ قلت شنو مافهمت ؟؟ قال سجلي عندك هيدا كرت شحن اشحني وخبريني اذا ضبطت >> طبعا انا كذبته قلت مستحيل جاايب لي بطااقه من الكويت كيف مااتجي ..
قلت يابنت جربي انتي وش خسراانه وبالفعل جربتها وضبطت وطلعت 20 هع
بعدها اتصل قال شو ضبطت معك ؟؟ قلت يس افكورس قال خذي هيدا بعد ..
وانا مومصدقه هههههه لحد الحين انا مو شايفته شيء .. وشحنت طلعت ميه استانست اكثر ههههههه
ومااخفي عليكم صاااير يتصل كل شوووي لحد ماتعوودت عليه ..
وتخررجت من الثانوي وبااقي مستمره معاه ..
مو عااارفه كيف القدر جمعنا ؟ لبناني وسعوووديه ..
ومع الايااام تعلقنا ببعض .. مع ان عمرنا متفاووت هو كبير شووي وانا صغيره ..

ااااااااخ ياايدي تعبت وانا اكتب .. بووقف الحين واذا حصلت تفاااعل بقوول لكم البااقي ..
احترااامي للجميع ..